El autor del monólogo es el insigne José León Delestal.
Blas ye un señoritu llistu
q'anque non tién una gorda
siempri se dio munchu pistu.
Comu xamás golió un pesu,
cuerre alloriáu, tres les perres
comu'l ratón tres el quesu.
Y anda faciendo-y la rosca
a una rapaza d'aldea,
pero que tién muncha mosca.
El padre d'ella ye aldianu
y tien fabes comu borra
y más pesos q'un indianu.
Anque nun ye un Tenedoriu,
Blas afalagó a la moza
y entamó al fin el casoriu.
Cho-yos les arres el cura
y lluéu, al comer la boda,
piescaron la gran fartura.
Mientres zampaben a'sgaya,
Blas falaba amorosiegu
a aquella novia tan paya.
Llamábala sol y cielu
y dicía-y pallabrines
de xarapa y carambelu.
Cuando taba más melosu
de gañatu de la novia,
salió un ruíu fastidiosu.
Y Blas con voz de miminos
preguntó.y a la rapaza
mirando-y a los güeyinos:
~~¿Qué te pasa, corazón?
¿Suspiras, mi alondra bella?
Y ella dixo: ~~ No, home, non;
ye que rutio la morciella.
